ئەمشەو دوو یاریی گرنگی پرێمەرلیگ ئەنجامدەدرێت

ئاڤا سپۆرت

 

ئەمشەو دوایین یارییە دواخراوەکانی گەڕی 34ی پرێمەرلیگ ئەنجامدەدرێت کە تیایدا دوو یاری گرنگ بەڕێوەدەچن.

 

چیرۆکە سەرەکییەکە: لە یەکەم یارییدا، یانەی چێڵسی دەبێتە میوانی برایتۆن و ئەمشەو کاتژمێر 9:45 ڕووبەڕوو دەبنەوە، چێڵسی دەیەوێت لەسەر بردنەوەکانی بەردەوام بێت و بتوانێت خۆی بگەیەنێت بە یۆرۆپالیگی وەرزی داهاتوو. 

 

زانیاریی زیاتر: چێلسی لەم وەرزەدا 36 یاریی ئەنجامداوە و توانیویەتی 57 خاڵ کۆبکاتەوە، بەوەش یانەکە لە پلەی حەوتەمە و بە تەنیا جیاوازی گۆڵ لە نیوکاسڵەوە دوورە، بۆیە یانەکە پێویستی بە بردنەوەیە بۆ ئەوەی بتوانێت پلەی شەشەم مسۆگەر بکات.

 

لە لایەکی دیکەوە:  لە یارییەکی دیکەی هەمان گەڕدا، یانەی مانچستەر یونایتد لە نێو یاریگای ئۆڵد ترافۆرد میوانداری یانەی نیوکاسڵ یونایتد دەکات.

 

ئەویە پێویستە بیزانیت: شەیتانە سوورەکان لە ئێستادا لە پلەی هەشتەمی ڕیزبەندیە و بە برندەوە لە نیوکاسڵ، دەگەڕێتەوە ڕکابەرایەتییەکە و دەتوانێت بە لایەنی کەمەوە بگات بە کۆنفرانسلیگی وەرزی داهاتوو، یانەی نیوکاسڵیش لە مەترسییەکان تێدەگات و دەزانێت لە دوو یاریی داهاتووتا، تەنیا بردنەوە داددی دەدات و دەیگەیەنێت بە یۆرۆپالیگی وەرزی داهاتوو.