زنجیرەی بێ شکستی کریستاڵ پاڵاس کۆتایی هات

ئاڤا سپۆرت

کریستاڵ پاڵاس لە گەڕی هەشتەمی پرێمەرلیگ، زنجیرەی شکست نەهێنانەکەی وەستێنرا.

چیرۆکی سەرەکی: کریستاڵ پاڵاس لە گەڕی هەشتەمی پرێمەرلیگ و لە دەرەوەی یاریگای خۆی ڕووبەڕووی ئێڤەرتن بووەوەوە، دوای 19 یاریی بێ شکست، کۆتایی بەو زنجیرە نایابەی تیمەکەی گلاسنەر هێنرا.

زانیاریی زیاتر: کریستاڵ پاڵاس وەکو یارییەکانی ڕابردوو سەرەتا باشتربوو، خولەکی 37 دانیێل مونۆز بە ئەسیستی ئیسماعیلا سار، گۆڵی یەکەمی بۆ تیمە بەهێزەکە تۆمارکرد. گێمی یەکەمیش بەو ئەنجامە کۆتایی هات.

لە گێمی دووەم: خولەکی 76 ئیلمان ئێندایێ بە لێدانی سزا گۆڵی یەکسانبوونەوەی تۆمارکرد. لە دوایین خولەکەکان و خولەکی 93ـش، جاک گریلیش گۆڵی دووەمی ئێڤەرتنی تۆمارکرد. لەکۆتاییدا ئێڤەرتن تامی شکستی بەخشی بە تیمەکەی گلاسنەر.