غازی باکوور پاڵەوانی باسکەی عێراقە

ئاڤا سپۆرت

غازی باکوور بە بردنەوە لە ئەکاد بۆ سێیەمجار بووە پاڵەوانی باسکەی خانمانی عێراق.

چیرۆکە سەرەکی: غازی باکوور شەوی ڕابردوو لە شاری بەغداد، دوای بردنەوەی لە یانەی ئەکاد عەنکاوە بە ئەنجامی 82-38 خاڵ، بوونە پاڵەوانی باسکەی خامانی عێراق و نازناوەکەیان لە شاری کەرکووک هێشتەوە.

زانیاریی زیاتر: پاڵەوانییەتی باسکەی خانمانی عێراق ڕۆژی 12 ئەم مانگە بە بەشداری 12 یانە لە شاری بەغداد دەستیپێکرد. دوای 15 ساڵ دوورکەوتنەوە جارێکی دیکە باسکەی خانمانی عێراق برایە پایتەخت.

ئەمەش بزانە: غازی باکوور لە ساڵی 2021ـەوە بەشداریی پاڵەوانییەتییەکە دەکات و لەو ماوەیەدا سێ جار بەدوای یەکدا نازناوەکەی بەدەستهێناوە.