فەڕەنسا و بەلجیکا لەیارییەکی ئاگرین ڕووبەڕوو دەبنەوە

 

ئاڤا سپۆرت

هەڵبژاردەی فەرەنسا، بەهێزترین بەربژێرە، بەڵام خراپترین ئاستی پێشکەش کردووە، تەنها دوو گۆڵی تۆمارکردووە، بەڵام بە شێوەی یاریکردن نەبووە، بەڵکو بە تۆپی جێگیر و هەڵەی تیپی بەرامبەر بووە.

وێنە گەورەکە: فەڕەنسا بە 5 خاڵ گەیشتووەتە ئەم قۆناغە، دەیانەویت بۆ جاری سێیەم ببنە پاڵەوانی یۆرۆ، مباپێ و هاوڕێکانی مێژووێکی نوێ بۆ هەڵبژاردەی سێ کەلەشێرەکە بنووسنەوە، ئەمڕۆ هیچ دەرفەتێک لەبەردەم هەڵبژاردەی کەلەشێرەکان نییە جگە لە بردنەوە، بەتایبەتی هەمووان چاوەڕێن ئمباپێ بە ئاستی ڕاستەقینەی خۆی دەربکەوێت و تیپەکەی بگەێنێتە قۆناغی داهاتوو.

لێدوانی فەرمی: دێدیە دێشامپی ڕاهێنەری هەڵبژاردەی فەڕەنسا بۆ ڕووبەڕووبوونەوەی بەلجیکا وتی: تیپی بەرامبەرمان خاوەن یاریزانی باشن، دەزانن چۆن یاریی لەگەڵ هەڵبژاردە بەهێزەکان بکەن، بەڵام ئێمەش خاەنی پێکهاتەیەکی بەهێزین یاریزانی باش لە هەڵبژاردەکەمان هەیە.

پێدراوە ڕاستەکان: فەڕەنسا لە ڕووی پێکهاتەوە هیچ گرفتێکی نییە، بەڵام دیشامپی ڕاهێنەر بە نیازە یاریی بە پلانی (4-4-2) بکات بۆ ئەوەی هاوسەنگی لەنێوان لایەنی هێرشبەری و بەرگریدا بکات.

لە لایەکی دیکەوە: بەلجیکا، کەمتر  فشاری لەسەرە بۆیە لە یارییەکە باشتر دەردەکەون، بەتایبەت لە ڕووی هێرشربردنەوە، پشت بە تواناکانی دی بڕۆین و لۆکاکۆ دەبەستن، کار لەسەر هێرشی پێچەوانە دەکەن.

لێدوانی فەرمی: دۆمێنیکۆ تێدیسکۆی ڕاهێنەری بەلجیکا بۆ یاریی بەرامبەر فەڕەنسا گوتی: هیوادارم کاتی یاریی دووچاری هەمان کێشەکانی یاریی ڕابردوو نەبینەوە و زووتر و لە کاتی دیاریکرا و بگەیەنە یاریگە، بۆ ئەوەی یاریزنەکان بە تەواوی کاتی پیویستیان لەبەردەستبێت بۆ خۆگەرمکردنەوە، ئێمە بۆ یارییەکە ئامادەین ، تەنها بیر لە بردنەوە دەکەینەوە.

 

زانیاریی زیاتر: هەردوو تیپ ئەمڕۆ بە وریاییەوە یاریدەکەن، نایانەوێت بە ئاسانی ماڵئاوایی لە پاڵەوانێتییەکە بکەن، یارییەکە داخراو دەبێت، لەم جۆرە یارییانە تۆپی جێگیر خاڵی یەکلاکەرەوە دەبێت.