سعوودییە بەردەوامە لە پەلکێشکردنی وەرزشە جیهانییەکان

ئاڤا سپۆرت

سعوودییە دەیەوێت پاڵەوانییەتییەکی فوتبۆڵی ئەمریکی لە وڵاتەکەی ئەنجام بدرێت.

چیرۆکە سەرەکی:  سعوودییە پاڵەوانییەتییەکی فوتبۆڵی ئەمریکی لە سعوودییە ڕێکخستووە کە بڕیاری لە 21ـی نیسانی ساڵی داهاتوو لە ڕیازی پایتەخت بەڕێوەبچێت، پاڵەوانییەتییەکەش بریتی دەبێت لە ڕێكخستنی یارییەک لەنێوان ئەفسانەکانی وەرزشەکە.

زانیاریی زیاتر: تۆم برەیدی، کە بە بۆچوونی زۆرینەی هاندەرانی وەرزشەکە بە باشترین یاریزانی مێژووی یارییەکە دادەنرێت، یەکێک دەبێت لەو ئەفسانانەی بەشداری پاڵەوانییەتییەکە دەکات.

ئەمەش بزانە: برەیدی لەگەڵ تورکی ئەلشێخ، وەزیری خۆشگوزەرانی وڵاتەکە ڕێککەوتووە و بەیەکەوە بۆنەیەکی فوتبۆڵی ئەمریکی ڕێکدەخەن. سعوودییە دەیەوێت ببێتە پایتەختی وەرزشیی جیهانی و تاوەکو ئێستا میوانداریی چەندین بۆنەی وەرزشیی جیهانیی کردووە.

جگە لەمە: سعوودییە سەرەتای ئەم مانگە ڕایگەیاند کە بۆ یەکەمجار WWE ڕەسڵمەنیا دەچێتە دەرەوەی ئەمریکا بۆ ساڵی 2027 لە خاکی وڵاتەکەیاندا ئەنجام دەدرێت.