هەولێر هەوڵی ڕزگاربوون دەدات

ئاڤا سپۆرت

یانەی هەولێر لە گەڕی 33 یارییەكانی خولی ئەستێرەكانی عێراق، ئەمڕۆ میوانداریی یانەی نەفتی میسان دەكات، یارییەكە كاتژمێر(4:45) خولەكی عەسر بەڕێوەدەچێت.

وێنە گەورەكە: هەولێر بە ڕاهێنەرایەتی سەمیر بابۆ ڕووبەڕووی نەفتی میسان دەبێتەوە، سەرجەم یاریزانەكانی هەولێر بۆ ئەم یارییە ئامادەن، كوڕانی قەڵا و منارە هەوڵی بردنەوە دەدەن، چونكە دەیانەوێت خۆیان لە ڕكابەری و نزیكبوونەوە لە ناوچەی دابەزین ڕزگار بكەن.

ئەوەی پێویستە بیزانیت: نەفتی میسان ئەم وەرزە دۆخی باش نییە، بە بەرگری و هێرشی پێچەوانە یاریدەكات، هیچ فشارێكیان لەسەر نییە، خۆیان لە ناوچەی مەترسیدار ڕزگار كردووە، بەڵام ئاستیان وەك ساڵانی ڕابردوو باش نییە.

زانیاریی زیاتر: یانەی هەولێر تا ئێستا خاوەنی 33 خاڵە و لە خانەی چواردەیەمی ڕیزبەندییەكە دێت، یانەی نەفتی میسانیش بە 39 خاڵ لە خانەی یازدەیەمی ڕیزبەندییەكە دێت.