جاک ویلشێر پیشەیەکی نوێ تاقی دەکاتەوە

ئاڤا سپۆرت

جاک ویلشێری ئەستێرەی ثێشووی ئارسناڵ و هەڵبژاردەی ئینگلتەرا دەست بە پیشەیەکی نوێ دەکات.

چیرۆکی سەرەکی: جاک ویلشێر، ئەستێرەی پێشووی یانەی ئارسناڵ و هەڵبژاردەی ئینگلتەرا، بۆ یەکەمجار لە مێژوویدا بە شێوەیەکی گشتی و فەرمی ئەرکی ڕاهێنەرایەتی یانەیەک دەگرێتە ئەستۆ، ئەویش ڕاهێنەرایەتیکردنی یانەی لوتن تاون.

زانیاریی زیاتر: لە سەرەتای ئەم مانگە، یانەی لوتن تاون مات بلومفیڵدی لە ئەرکی ڕاهێنەرایەتی یانەکە دوورخستەوە، ئێستاش ویڵشێری تەمەن 33 ساڵ جێگەی دەگرێتەوە و بۆ یەکەمجار لە مێژوویدا بە شێوەیەکی گشتی و فەرمی ئەرکی ڕاهێنەرایەتی یانەیەک دەگرێتە ئەستۆ.

زیاتر بزانە: ویلشێر، لەمساڵ بە شێوەیەکی کاتی ئەکری ڕاهێنەرایەتی یانەی نۆریوچ سیتی گرتە ئەستۆ کە تەنیا دوو یارییش سەرپەرشتی یانەکەی کرد، تیایدا بردنەوەیەک و یەکسانبوونێکی تۆمارکرد.

ئەوەی پێویستە بیزانیت: لوتن تاون، لە لیگ وەن یاریی دەکات، کە دەگاتە پلە سێی ئینگلتەرا، یانەکە دوای دابەزینی لە پرێمەرلیگ، دواتر لە چامپیۆنشیپیش دابەزی، ئێستاش یانەکە بە دۆخێکی خراپدا تێدەپەڕێت و خۆی لە پلەی 11یەمی ڕیزبەندیی خولی پلە سێی ئینگلتەرا دەبینێت.