باشترینەكانی لالیگا دەستنیشانكران

ئاڤا سپۆرت

باشترینەكانی لالیگا خەڵات كران،  باشترینەکانی ئەم وەرزەی لالیگا دیایكران، و تیایدا جود بێلینگهامی تەمەن 20 ساڵ وەک باشترین یاریزانی ئەم وەرزەی لالیگا دەستنێشانکرا، ئەوەش لە کاتێکدایە بێلینگهام هاوکاری یانەکەی کرد بۆ بەدەستهێنانی نازناوی 36ەمی لالیگا. 

وێنە گەورەكە: لالیگا پێنج یاریزانی کاندید کردبوو بۆ بەدەستهێنانی خەڵاتی باشترین یاریزانی ئەم وەرزەی خولەکە، کە ئەوانیش، جود بێلینگهام، ڤینیسیۆس جونیۆر، ڕۆبێرت لیڤاندۆڤسکی، ئارتێم دۆڤبیک و ئەنتوان گریزمان بوون، بەڵام لە کۆتاییدا بێلینگهام زۆرترین دەنگی بەدەستهێنا و وەک باشترین یاریزان دەستنێشانکرا. 

ئەوەی پێویستە بیزانیت: بێلینگهام لەیەکەم وەرزی لەگەڵ ریال مەدرید، توانی لە کۆی 28 یارییدا، 19 گۆڵ و شەش ئاسیست تۆماربکات و نازناوی لالیگاشی بەدەستهێنا. 

زانیاریی زیاتر: لامین یامالی تەمەن 16 ساڵ، ئەستێرەی لاوی یانەی بەرشەلۆنە، بە باشترین یاریزانی خوار تەمەن 23 ساڵ دەستنیشانکرا، ئەوەش دوای ئەوەی یامال وەرزێکی نایابی پێشکەشکرد و توانی لەم وەرزەدا پێنج گۆڵ و هەشت ئاسیست تۆماربکات. 

باكگراوند: هەروەها میشێلی ڕاهێنەری یانەی جیرۆنا، بە باشترین ڕاهێنەری ئەم وەرزەی لالیگا هەڵبژێرا، ئەوەش دوای ئەوەی توانی جیرۆنا بۆ یەکەمجار لە مێژوویدا خۆیدا بگەیەنێت بە چامپیۆنزلیگ. 

لە لایەكی دیكەوە: ئارتێم دۆڤبیک، هێڕشبەری یانەی جیرۆنا، خەڵاتی باشترین گۆڵکاری بردەوە و لەم وەرزەدا توانی 24 گۆڵ تۆماربکات، هەروەها ئونای سیمۆن، گۆڵپارێزی یانەی ئەتلەتیک بیلباو بە باشترین گۆڵچی وەرز دیاریکرا، ئەوەش دوای ئەوەی توانی 16 کلین شێت دەستەبەر بکات.