لیڤەرکوزن دووەم نازناوی ئەم وەرزەی بردەوە

ئاڤا سپۆرت

 

دوای شکستە چاوەڕوان نەکراوەکەی بەرامبەر یانەی ئاتالانتا لە یاریی کۆتایی یۆرۆپالیگ، بایەر لیڤەرکوزن توانی لە یانەی کایزەرسلاوتێرن بباتەوە و بۆ دووەمجار لە مێژوویدا نازناوی جامی ئەڵمانیای بردەوە. 

 

وێنە گەورەکە: لە سەرەتای یارییەکەوە، لیڤەرکوزن یارییەکی هێرشبەری دەستپێکرد و بەردەوام بوو لە هەولدان بۆ تۆمارکردنی گۆڵی یەکەم، بەو شێوەیەش گۆڵی یەکەم زۆری نەخایاند و لە خولەکی 16 گرانیت شاکا توانی گۆڵی پێشکەوتنی لیڤەرکوزن تۆمارکرد. 

 

زانیاریی زیاتر: لە خولەکی 44 و پێش کۆتایی هاتنی گێمی یەکەم، ئۆدیلۆن کۆسانۆ دووەم کارتی زەردی وەرگرت و کرایە دەرەوەی یاریگا، ئەوەش یارییەکەی تا ڕادەیەک لە کوڕانی چابی ئەلۆنسۆی سەختتر کرد. 

 

ئەوەی پێویستە بیزانیت: لە گێمی دووەمدا، بایەر لیڤەرکوزن توانی پارێزگاری لە گۆڵی خۆی بکات، بەڵام سەرکەوتووش نەبوو لەوەی بتوانێت گۆڵی دووەم و دڵنیایی تۆماربکات، یارییەکەش بە تەنیا گۆڵی گرانیت شاکا کۆتاییهات و لیڤەرکوزن دووەم نازناوی ئەم وەرزەی بەدەستهێنا. 

 

باکگراوند: لیڤەرکوزن، لە مێژووی خۆیدا تەنیا سێ نازناوی ناوخۆی بەدەستهێناوە، یەک نازناوی بۆندسلیگا و دوو نازناوی جامی ئەڵمانیا، چابی ئەلۆنسۆش بەرپرسیارە لە دوو لەسەر سێی ئەو نازناوانە.