پێشهاتەکانی یاریی ڕیاڵ مەدرید و لیڤانتی

ئاڤا سپۆرت

ڕیاڵ مەدرید گەشتی ڤالێنسیا دەکات و لە ئەرکێکی قورسدا ڕووبەڕووی لیڤانتی دەبێتەوە.

چیرۆکە سەرەکی: ڕیاڵ مەدرید لە گەڕی شەشەمی لالیگا لە دەرەوەی یاریگای خۆی دەبێتە میوانی لیڤانتی. مێرێنگێ لە لالیگا بە دۆخێکی نایابدا تێدەپەڕێت، بەڵام لیڤانتی لە دۆخێکی خراپدایە.

زانیاریی زیاتر: ڕیاڵ مەدرید لە لالیگا بە پێنج بردنەوە 15 خاڵی تەواوی کۆکردووەتەوە، دە گۆڵی تۆمارکردووە و دوو گۆڵیشی لەسەر تۆمارکراوە. لیڤانتیش بە هەمان ژمارەی یاریی چوار خاڵی بە سێ شکست، یەکسانبوونێک و شکستێک کۆکردووەتەوە.

ئەمەش بزانە: ڕیاڵ مەدرید لە دوایین پێنج یارییدا بەرامبەر لیڤانتی، دوو بردنەوەی بەدەستهێنا و دوو یارییش شکستی هێناوە، لە یارییەکیشدا یەکسانبوونە. دوایین بردنەوەی ڕیاڵ مەدرید دەگەڕێتەوە بۆ ساڵی 2022 کاتێک مێرێنگێ بە شەش گۆڵی بێوەڵام بردنەوەی بەدەستهێنا.

ئەوەی پێویستە بیزانیت: ڕیاڵ مەدرید بۆ ئەم یارییە لە تواناکانی ئەنتۆنیۆ ڕودیگێر، فێرلاند مێندی و ترێنت ئەلیکساندەر ئارنۆڵد بێبەش دەبێت، بەڵام دین هاوسن سزاکەی کۆتایی هاتووە و گەڕاوەتەوە، هەروەها هەریەکە لە کاماڤینگا و بێلینگهام بەتەواوی ئامادەن.

پێکهاتەی پێشبینیکراو:
ڕیاڵ مەدرید: تیبۆ کۆرتوا، دانی کارڤاخال، ڕاول ئاسێنسیۆ، دین هاوسن، فران گارسیا، فێدی ڤاڵڤێردی، ئێدواردۆ کاماڤینگا، ئاردا گولەر، برایم دیاز، کیلیان ئمباپێ، ڕۆدریگۆ.
لیڤانتی: ماتیو ڕیان، جێرێمی تۆلجان، ئونای ئێلگێزابال، ماتیاس مۆرێنۆ، ئادریان دێلا فۆنتێ، مانوێل سانچێز، کارلۆس ئەلڤارێز، ئۆریۆل رێی، پابلۆ مارتینێز، ئیتا ئیۆنگ، ئیڤان ڕۆمێرۆ.