وەرزی نوێی چامپیۆنزلیگ دەستپێدەکات

ئاڤا سپۆرت

چامپیۆنزلیگی وەرزی 2025-2026 دەستپێدەکات و ئەمڕۆ شەش یاریی لە دوو کاتی جیاوازدا ئەنجامدەدرێن.

وێنە گەورەکە: چامپیۆنزلیگ ئەمڕۆ کاتژمێر 19:45 بە ئەنجامدانی دوو یاری دەستپێدەکات، ئەتلەیک بلباو لە یاریگای ئیمارات دەبێتە میوانی ئارسناڵ و ئایندهۆڤنیش لە یارگای خۆیدا میوانداری سانت گیلیۆس دەکات.

لەگەڵ ئەوەشدا: ڕیاڵ مەدریدی پاشای پاڵەوانییەتییەکە کاتژمێر 22:00 میوانداری مارسیلیای فەڕەنسی دەکات، ڤیاڕیاڵیش دەچێتە لەندەن و دەبێتە میوانی تۆتنهام، یوڤێنتۆسیش لە ئیتاڵیا پێشوازی لە زەردەواڵەکانی بۆروسیا دۆرتموند دەکات، هەروەها بەنفیکا دەرگای یاریگاکەی بەڕووی قەرەباگی ئازەرباینجانیدا دەکاتەوە.

زانیاری زیاتر: چامپیۆنزلیگ لە یەکەم گەڕدا لە ماوەی سێ ڕۆژدا ئەنجام دەدرێت، لە هەر ڕۆژێکدا شەش یاریی ئەنجام دەدرێت، بەڵام لە گەڕی دووەمدا دووبارە یارییەکان دەگەڕێنەوە ڕۆژانی سێشەممە و چوارشەممە، لە هەر ڕۆژێکدا نۆ یاری ئەنجامدەدرێن.

ئەمەش بزانە: ڕیاڵ مەدرید بە 15 جار زۆرترین نازناوی پاڵەوانییەتییەکەی بەدەستهێناوە، پاریس سانجێرمانیش کە بۆ یەکەمجار نازناوەکەی بەدەستهێنا، پاڵەوانی دوایین وەشانی جامە دوو گوێیەکەیە.