یوفا لەسەر ڕیاڵ مەدرید لە لالیگا توڕەبووە

ئاڤا سپۆرت

یوفا بەهۆی ئەوەی لە ڕاهێنانەکاندا پشکنینی ماددەی وزەبەخشیان بۆ یاریزانانی ڕیاڵ مەدرید ئەنجامداوە، لە لالیگا نیگەران و توڕەیە.

وێنە گەورەکە: لالیگا ئەمڕۆ لیژنەیەکی ناردووەتە ڕاهێنانەکانی ڕیاڵ مەدرید بەمەبەستی ئەنجامدانی پشکنینی ماددەی وزەبەخش بۆ یاریزانەکان، بەو هۆیەشەوە ڕاهێنانەکانی ڕیاڵ مەدرید کاتژمێر لە کاتی ئاسایی خۆی دواکەوتووە.

زانیاریی زیاتر: یوفا نیگەرانی خۆی بەرامبەر ئەو کارەی لالیگا دەربڕیوە و ڕایگەیاندووە کە دەبوو لالیگا ڕۆژێکی دیکە بۆ ئەنجامدانی پشکنین هەڵبژێرێک نەوەکو ڕۆژێک پێش یاریی چامپیۆنزلیگ.

ئەوەی پێویستە بیزانیت: ڕیاڵ مەدرید سبەی سێشەممە کاتژمێر 22:00ـی شەو لە یاریگای سانتیاگۆ بێرنابیۆ، بەرامبەر مارسیلیا یەکەم گەڕی چامپیۆنزلیگ ئەنجام دەدات.