سعوودییەکان سوود لە چەکە بەهێزەکەی ئارسناڵ وەردەگرن

ئاڤا سپۆرت

نیکۆلاس جۆڤەر، یاریدەدەری ڕاهێنەری ئارسناڵ لە کامپی ڕاهێنانەکانی هەڵبژاردەی سعوودییە لە چیک ئامادەبووە.

وێنە گەورەکە: نیکۆلاس جۆڤەری یاریدەدەری میکێل ئارتێتا و ڕاهێنەری تۆپە جێگرەکانی ئارسناڵ، دوێنێ لە چیک بووە لەگەڵ هەڵبژاردەی سعوودییە و چاودێری مەشق و ڕاهێنانەکانی هەڵبژاردەکەی کردووە.

زانیاریی زیاتر: جۆڤەر بڕیارە لەگەڵ تیمی هەڵبژاردەی سعوودییەبێت لە یارییەکانی مانگی تشرینی یەکەم، بەرامبەر هەڵبژاردەکانی ئیندۆنیزیا و عێراق، سعوودییە دەیەوێت سوود لە تواناکانی نیکۆلاس لە تۆپە وەستاوەکان وەربگرێت و لە ڕێگەیەوە سەرکەوتنی بۆ جامی جیهانیی داهاتوو مسۆگەر بکات.

ئەمەش بزانە: هەڵبژاردەی سعوودییە لە پاڵاوتنەکانی گەیشتن بە جامی جیهانیی، 8ـی مانگی داهاتوو دەبێتە میوانی ئیندۆنیزیا و 14ـی هەمان مانگیش میوانداری عیراق دەکات.