ڕیاڵ مەدرید تانە لە کارتە سوورەکەی هاوسن دەدات

ئاڤا سپۆرت

ڕیاڵ مەدرید تانە لە کارتە سوورەکەی دین هاوسن دەگرێت و گەشبینە بە ڕەتکردنەوەی سزاکەی.

وێنە گەورەکە: لە یارییەکەی ڕیاڵ مەدرید و ڕیاڵ سۆسیداد ساتێک هەبوو کە مشتومڕێکی زۆری بەدوای خۆیەوە هێنا، کاتێک دین هاوسن لەلایەن خیسۆس خیل مانزانۆی ناوبژیوانەوە کارتێکی سووری بەڕوودا بەرزکرایەوە، بەهۆی حاڵەتێکە کە وا دەردەکەوت دوایین یاریزان بێت و ئاڵەنگاری میکێل ئۆیارزابالی کرد.

ئەمەش بزانە: ئێدێر میلیتاو چەند مەترێک لە یاریزانەکەوە دووربوو و لە دۆخێکدا بوو کە دەیتوانی ڕێگری لە ئۆیارزابال بکات، هەروەها میکێل خۆشی جڵەوی تەواوی بەسەر تۆپەکەدا نەبوو و نەیتوانیبوو تۆپەکە بخاتە ژێر ڕکێفی خۆیەوە.

ئەوەی دواتر ڕوویدا: لیژنەی ناوبژیوانانی تەکنیکی ناوبژیوانان دانی بەوەدا ناوە کە کارتە سوورەکە هەڵەبووە و دەبوو ناوبژیوانی ژووری ڤار، ناوبژیوانی سەرەکی نێو یاریگا لە هەڵەکەی ئاگادار بکاتەوە و پێداچوونەوە بە بڕیارەکەیدا بکات، هەر بۆیە ناوبژیوانەکەشی بۆ ماوەیەک دوورخستەوە.

ئەوەی ڕوودەدات: ڕیاڵ مەدرید تانە لە کارتە سوورەکەی دین هاوسن دەدات و دەیەوێت سزاکەی لەسەر هەڵبگیرێت، هەروەها گەشبینیشە کە تانەکەی سەرکەوتوو دەبێت و کارتە سوورەکەی هاوسن ڕەتدەکرێتەوە.