زاخۆ تامی یەکەم دۆڕانی لەم وەرزەدا چەشت

ئاڤا سپۆرت
لە گەڕی شەشەمی یارییەکانی خولی ئەستێرەکانی عێراق، یانەی زاخۆ لە دەرەوەی یاریگەی خۆی بووە میوانی یانەی قوەجەویە و دووچاریی یەکەم دۆڕانهات.

وێنە گەورەکە: لە نیوەی یەکەم جەویە فشاری دەکردە سەر یانەی زاخۆ، تا لە خولەکی 20 عەلاعەباس لە لێدانێکی پێناڵتی گۆڵی یەکەمی تیپەکەی تۆمارکرد.

لە لایەکی دیکەوە: لە نیوەی دووەمی یارییەکە لە یاریگەی کوتی ئۆڵۆمپی یاریزانانی زاخۆ نەیانتوانی ئەنجامی یارییەکە ڕاستبکەنەوە، چونکە بەرگری جەویە سەرجەم ڕێگاکانیان لەبەردەم زاخۆۆیەکان داخستبوو.

زانیاریی زیاتر: یانەی زاخۆ یەکەم دۆڕانی لەم وەرزەدا تووشهات، بە کۆکردنەوەی نۆ خاڵ لە خانەی هەشتەمی ڕیزبەندییەکە دێت.