نادال ماڵئاوایی کرد

ئاڤا سپۆرت

رافایال نادال یاریزانی بەناوبانگی ئیسپانی لە یاریی تێنسی سەرزەوی، ئەمڕۆ بڕیاری وازهێنانی لە یاریکردن ڕاگەیاند، ئەمەش دوای بەدستهێنانی چەندین نازناو لە پاڵەوانێتییەکان.

وێنە گەورەکە: نادال دوای بردنەوەی 22 نازناو لەسەر ئاستی چوار پاڵەوانێتییە گەورەکە، ئەمڕۆ پێنجشەممە، ماڵئاوایی لە یاریی تێنسی سەرزەوی ڕاگەیاند.

زانیاریی زیاتر: نادالی تەمەن 38 ساڵ دوای بردنەوەی 14 نازناوی ڕۆلاند گارۆسی فەرەنسا، کە ژمارەیەکی پێوانەیە و هیچ یاریزانێک نەیتوانیوە ئەم ژمارە نازناوە لەم پاڵەوانێتییەوە بباتەوە، چیدیکە ئەم ئەفسانەیە نابینینەوە.

ئەوەی لەبارەیەوە دەگوترێت: نادال لە پێگەی خۆی بڵاویکردەوە گوتی" بڕیاری وازهێنانم لە یاریکردن داوە، هەرچەندە ئەوە قورسترین بڕیارە لە ژیانم، بەڵام ئێمە دەزانین هەموو شتێک سەرەتا و کۆتایی هەیە، ئەمڕۆ کاروانی یاریکردنی من کۆتاییهات".