ڕیاڵ مەدرید بەدوای شوێنگرەوەی کرووس ناگەڕێت

 
ئاڤا سپۆرت 

ڕیاڵ مەدرید بۆندی لەگەڵ هیچ ناوەڕاستێک مۆر نەکرد دوای وازهێنانی کڕووس، بۆ شوێنگرەوەی ناوبراویش پشت بە کاماڤینگا دەبەستێت. 
 
چیرۆکە سەرەکییەکە: مێرێنگێ وەکوو جێگرەوەیەکی نموونەیی سەیری کاماڤینگا دەکات بۆ شوێنی تۆنی کڕووس، هەر بۆیە ڕەتیکردەوە گرێبەست لەگەڵ چەندین یاریزانی گەورە و ناودار بکات. 
 
ئەوەی پێویستە بیزانیت: کاماڤینگا ئەم وەرزە بەهۆی پێکانەوە بەشداری هیچ یارییەکی نەکردووە، بەڵام گەڕانەوەی نزیکە و ڕیاڵ مەدرید چاوەڕێی ئەوەی لێدەکات هەنگاوێکی گەورە بنێت، دەیانەوێت بۆشایی نەمانی کڕووس پڕبکاتەوە. 
 
زانیاریی زیاتر: کاماڤینگا وەرزی ڕابردوو 1823 خولەک یاری بۆ ڕیاڵ مەدرید کردووە، لە هەردوو پێگەی ناوەڕاست و باڵی چەپی بەرگری، 510 خولەکیش یاری بۆ هەڵبژاردەی فەڕەنسا کردووە.