ئمباپێ لەبەردەم دەرفەتێکی زێڕیندا

ئاڤا سپۆرت

کلیان ئمباپێ یاریزانی نوێی یانەی ریاڵ مەدریدی ئیسپانی، ئەمڕۆ دەرفەتێکی زێڕینی لەبەردەمە بۆ ئەوەی دەستپێکێکی باشی لەگەڵ یانە نوێیەکەی هەبێت.

چیرۆکە سەرەکییەکە: ئمباپێ ئەمڕۆ یەکەم یاریی بۆ مێرێنگێ لە بەرامبەر ئەتەلەنتای ئیتاڵی لە جامی سووپەری ئەوروپی ئەنجام دەدات، کە مێرێنگێ پێشووتر 5 جار ئەم نازناوەی بردووەتەوە.

ئەوەی پێویستە بیزانیت: ئمباپێ لە دوایین پاڵەوانێتی لە یۆرۆی ڕابردوودا بەدەستی بەتاڵ هاتەدەرەوە، بۆیە دەیەوێت بەخیرایی یەکەم نازاناو لەگەڵ یانەی ریاڵ مەدرید بباتەوە، یارییەکەی ئەمشەو لە جامی سووپەری ئەوروپی کاتژمێر(10:00)  بەڕێوەدەچێت.

باکگراوند: ئمباپێی تەمەن 25 ساڵان لەم هاوینە بە خۆڕایی لە پاریس سان جێرمانەوە پەیوەندی بە یانەی ریاڵ مەدریدەوە کرد، هەڵگری نازناوی جامی جیهانی 2018یە.