چێلسی فلیکسی دەوێت

ئاڤا سپۆرت

یانەی چێلسی هەوڵەکانی چڕکردووەتەوە بۆ ئەوەی تواناکانی یاریزان جواو فلیکسی پۆرتوگالی بگوازێتەوە ڕیزەکانی، کە لەڕیزی یانەی ئەتلەتیکۆ مەدریدە.

 ئەوەی لەباریەوە دەگوتریت: فابریزیۆ ڕۆمانۆی ڕۆژنامەنووسی ئیتاڵی بڵاویکردووەتەوە کە چێلسی گرنگی بە گواستنەوەی فلیکس دەدات و دەیەوێت لەم هاوینەدا بیگوازێتەوە، خۆرخێ مێندێزی بریکاری یاریزانەکەش فلێکسی لە خواستی چێلسی ئاگادار کردووەتەوە.

زانیاریی زیاتر: چێلسی لە پێشووتر بەشێوەی خواستن ئەم یاریزانەی لە وەرزی 2022-2023 گواستەوە ڕیزەکانی، بەڵام ئەمجارە دەیەوێت بەشێوەی یەکجارەکی بیگوازێتەوە ڕیزەکانی.

باکگراوند: جواو فلیکس بە پێی گرێبەستەکەی تا ساڵی 2029 پەیوەستە بە یانەی ئەتلەتیکۆ مەدریدەوە، بەڵام ڕەنگە ئەم هاوینە ڕووبکاتە چێلسی.