ڕاکێتیچ یانەی شەبابی جێهێشت

ئاڤا سپۆرت

ئیڤان ڕاکێتیچی ناوەڕاستکاری کڕواتی و یاریزانی پێشووتری یانەی بەرشەلۆنەی ئیسپانی دوای تەنیا شەش مانگ، ڕیزەکانی یانەی شەبابی سعوودی بەجێهێشت.

ئەوەی لەبارەیەوە دەگوترێت: پێگەی فەرمی یانەی شەباب لە تۆڕی کۆمەڵایەتی "ئێکس" هەواڵی ڕۆیشتنی یاریزانەکەی بڵاوکردووەتەوە و نووسیویەتی: "بە ڕەزامەندی کارگێڕی یانەی شەباب و یاریزان ئیڤان ڕاکێتیچ، گرێبەستی یاریزانە کڕواتییەکە لەگەڵ یانە سعوودییەکە هەڵوەشایەوە".

زانیاریی زیاتر: یاریزانەکەی پێشووی یانەکانی بەرشەلۆنە و سێڤییا لە سەرەتای ئەمساڵەوە پەیوەندی بە یانەی شەباب کرد و گرێبەستەکەی لە هاوینی 2025 کۆتایی دەهات، بەڵام پێش تەواوبوونی گرێبەستەکەی یانەکەی بەجێهێشت.

باکگراوند: ئیڤان ڕاکێتیچ تەمەنی 36 ساڵە و پێشتر یاریی بۆ یانەکانی بارسێلۆنا و سێڤییا کردووە، بەهای ئێستای لە بازاڕی گواستنەوەی یاریزانان 3.5 ملیۆن یۆرۆیە.