وەزیری وەرزشی فەڕەنسا ستایشی ئمباپێ دەکات

ئاڤا سپۆرت

 

وەزیری وەرزشی فەڕەنسا ستایشی لێدوانەکانی ئمباپێ، یاریزانی تۆپی پێ، دەکات کە داوای کردبوو گەنجان "لەم ساتە گرنگەدا" بەشداریی هەڵبژاردنەکان بکەن و لە دژی "تووندڕەوەکان و بیرۆکە دابەشکارییەکان" دەنگ بدەن. 

 

لێدوانی فەرمی: ئامێلی ئۆدیا کاستێرا، وەزیری وەرزشی فەڕەنسا، ڕایگەیاند "کیلیان دوێنێ بە شێوەیەکی تەواو نموونەیی قسەی کرد. ئەو ویستی لە ساتێکی تەواو بێوێنە و یەکلاکەرەوە بۆ داهاتوو قسە بۆ گەنجان بکات."

 

زانیاریی زیاتر: لە سەر داوای ئیمانوێل ماکرۆن، سەرۆکی فەڕەنسا و دوای بڕیاری هەڵوەشاندنەوەی پەرلەمان، بڕیارە ڕۆژی 30ـی حوزەیرانی ئەمساڵ، هەڵبژاردنی پێشوەختە لە فەڕەنسا بەڕێوە دەچێت.

 

ئەوەی پێویستە بیزانیت: لە هەڵبژاردنی پەرلەمانی ئەوروپا  کە ڕۆژانی 6-9ـی حوزەیران بەڕێوەچوو، پارتە ڕاستڕەوەکان سەرکەوتنی گەورەیان بە دەستهێنا.