یانەكانی ئەوروپا هەوڵی گواستنەوەی یاریزانێكی بەرشەلۆنە دەدەن

ئاڤا سپۆرت

ڤیكتۆر ڕۆكی هێرشبەری بەڕازیلی لە گواستنەوەی زستانەی رابردوو لە یانەی ئاتڵێتیكۆ پارنێنسییەوە بە بەهای 30 ملیۆن یۆرۆ پەیوەندی بە بەرشەلۆنەوە كرد.

 ئەوەی لەبارەیەوە دەگوترێت: سپۆرت بڵاویكردووەتەوە، دوو یانە بۆ گواستنەوەی ڤیكتۆر ڕۆكی لە ڕكابەری یەكتران، بەڵام ئەو یاریزانە تا ئێستا بڕیاری كۆتایی خۆی نەداوە ڕوو لە كام وێستگە بكات.

لە لایەكی دیكەوە: یانەكانی پۆرتۆ و ئەتڵەتیكۆ مەدرید بۆ گواستنەوەی ڤیكتۆرۆ رۆكی لەگەڵ بەرشەلۆنە لە گفتوگۆدان، یانەكە دەرگای لەبەردەم هیچ یانەیەك دانەخستووە، بەڵام بەرشەلۆنە دەیانەوێت بەشێوەی خواستن ئەو یاریزانە بدەن بەیانەیەكی دیكە.

باكگراوند: ڤیكتۆر ڕۆكی تەمەن 19 ساڵ، یاریی لەگەڵ بەرشەلۆنە لە سەرجەم پاڵەوانێتییەكان تەنیا بەشداریی لە 16 یاریی كردووە و 2 گۆڵی تۆمار كردووە.