كڤاراتسخیلیا بۆ فرۆشتن نییە

ئاڤا سپۆرت

یانەی ناپۆلی تووڕەی خۆی سەبارەت بە لێدوانەكانی بریكاری كارەكانی یاریزان خڤیچا كڤاراتسخیلیا نیشاندا و وەڵامی لێدوانەكانی دایەوە.

ئەوەی لەبارەیەوە دەگوترێت: یانەی ناپۆلی لە بەیانامەیەكی فەرمی وەڵامی دەنگۆی ڕۆیشتنی كڤاراتسخیلیان دایەوە، ڕایانگەیاند ئەو یاریزانە بۆ فرۆشتن نییە و تا 2027 گریبەستی لەگەڵ یانەكەمان ماوە.

زانیاریی زیاتر: چەند ڕۆژیكە بریكاری كارەكانی ئەو ئەستێرە جۆرجیە باس لە ڕۆیشتنی كڤاراتسخیلیا لە یانەی ناپۆلی دەكات.

باكگراوند: كڤاراتسخیلیای تەمەن 23 ساڵان وەرزێك پێش ئێستا لەگەڵ یانەی ناپۆلی نازناوی سێریائەی بردەوە، ئێستاش بەهۆی ئاستە بەرزەكەی یانەكانی پاریس یان جێرمان و ریاڵ مەدرید و مان سیتی هەوڵی گواستنەوەی دەدەن.