ئاستی بەڕازیل هاندەرانی نیگەران کردووە

ئاڤا سپۆرت

 

لە دوایین یارییە دۆستانەکان پێش دەسپێکردنی کۆپا ئەمریکا، هەڵبژاردەی بەڕازیل ڕووبەڕووی هەڵبژاردەی ئەمریکا بووەوە و یارییەکەش بە یەکسانی و بە ئەنجامی گۆلێک بۆ هەردوولا کۆتاییهات. 

 

وێنە گەورەکە: هەر لە دەستپێکی یارییەکەوە، یاریزانانی بەڕازیل توانیان کۆنترۆڵی یاریگا بکەن و یارییەکی هێرشبەری ئەنجامبدەن، ئەوەش وایکرد ئەمریتکییەکان تەنیا بتوانن بەرگری بکەن و پشت بە هێرشی هەڵگەڕاوە ببەستن. 

زانیاریی زیاتر: لە خولەکی 17، ڕۆدریگۆ ئەسیستێکی ڕافینیای قۆستەوە و توانی گۆڵی یەکەمی سیلیساو تۆماربکات، بە دوای ئەو گۆڵەشدا هاندەران چاوەڕوانی فێستیڤاڵی گۆڵیان لە بەڕازیل دەکرد، ئەمریکا فێستیڤاڵەکەی تێکدا و لە خولەکی 26 کریستیان پولیسیچ توانی ئەنجامەکە بۆ ئەمریکا یەکسانبکاتەوە، بەوەش گێمی یەکەمی یارییەکە کۆتایی هات. 

لە لایەکی دیکەوە: لە گێمی دووەم، بەڕازیل هێرشەکانی بۆسەر گۆڵی ئەمریکا چڕتر کردەوە، بەڵام نەیاندەتوانی هیچ گۆلێک تۆماربکەن و مات تۆرنەری گۆڵپارێز، وەک دیوارێک لە نێو گۆڵدا دەبینرا. 

ئەوەی پێویستە بیزانیت: بەڕازیل، لە کۆی 25 لێداندا 12 لێدانی ڕاستەوخۆ بۆ نێو گۆڵی ئەمریکا دەچوو، بەڵام گۆڵپارێز ڕێگر بوو لەوەی هیچ گۆلێکی دیکە تۆماربکرێت و یارییەکەش بەو ئەنجامە و بە یەکسانی کۆتاییهات. 

بۆچی گرنگە: ئەوەش دوایین یاریی دۆستانەی بەڕازیل بوو پێش دەستپێکردنی کۆپا ئەمریکا و ئاستی هەڵبژاردەکەش هاندەرانی نیگەران کردووە.