میلان ڕاهێنەری نوێی یانەكەی دەستنیشانكرد

ئاڤا سپۆرت

پاولۆ فۆنسێكای پۆرتوگالی، لەگەڵ یانەی میلانی ئیتاڵی گەیشتووەتە ڕێككەوتنی كۆتایی تا لە وەرزی داهاتوو ڕاهێنەرایەتی یانەكە بگرێتەدەست.

ئەوەی لەباریەوە دەگوترێت: ڕۆژنامەنووس فابیرزیۆ ڕۆمانۆی ئیتاڵی بڵاویكردووەتەوە، كە فۆنسێكا هەفتەی ڕابردوو لەگەڵ یانەی میلان سەرجەم پەڕاوەكانی گرێبەستی لەگەڵ ئەو یانەیە واژۆ كردووە و تەنها ڕاگەیاندنی فەرمی ماوە.

زانیاریی زیاتر: لە چەند كاتژمێری داهاتوو یانەی ئەیسی میلان بە فەرمی هاتنی ئەم ڕاهێنەرە و یاریدەدەرەكانی بۆ یانەكەی ڕادەگەیەنێت.

باكگراوند: گرێبەستەكەی پاولۆ بۆ ماوەی یەك ساڵ دەبێت واتا هاوینی داهاتوو كۆتایی دێت، بە بڕی 2.5 ملیۆن یۆرۆ دەبێت، لە ئەگەری ئەنجامە باشەكان گرێبەستەكەی بۆ درێژدەكریتەوە.