براین پریسکی بووە ڕاهێنەری نوێی یانەی فاینۆرد

ئاڤا سپۆرت

 

براین پریسکی، ڕاهێنەری دانیمارکی وەک ڕاهێنەری نویێ یانەی فاینۆرد دەستنیشانکرا و وەرزی داهاتوو جێگەی ئارنی سلۆت دەگرێتەوە.

 

چیرۆکە سەرەکییەکە: دوای ڕۆیشتنی یۆرگن کلۆپ لە لیڤەرپووڵ، کارگێڕی یانەکە بڕیاریدا ئارنی سلۆت بکات بە ڕاهێنەری نوێی لیڤەرپووڵ، لەو ساتەوەشەوە یانەی فاینۆرد هەوڵی بەدەستهێنانی تواناکانی پرسیکی داوە و دواجار توانییان گرێبەست لەگەڵ ڕاهێنەرەکە واژۆ بکەن.

 

ڕاگەیەنراوە فەرمییەکان: دێنیس دی کلۆز، بەڕێوبەری هونەریی یانەی فاینۆرد گوتی: ''دەمانەوێت یانەکەمان لە بەرزترین ئاستیدا بێت و ڕکابەری بردنەوەی نازناوەکان بکات، باشترین کەسیش بۆ ئەنجامدانی ئە وکارە براین پریسکییە.

 

باکگراوند: براین پریسکیی تەمەن 47 ساڵ، ماوەی دوو ساڵە ئەرکی ڕاهێنەرایەتی یانەی سپارتا پراگی چیکی لە ئەستۆ گرتووە، توانیشی لە هەردوو وەرزەکەدا نازناوی خولی چیکی بەدەستبهێنێت و نازناوێکی جامی ئەو وڵاتەشی بۆ یانەکە بردەوە.