توخێل مان یونایتدی ناوێت

ئاڤا سپۆرت

 

تۆماس توخێل، ئۆفەری مانچستەر یونایتدی ڕەتکردەوە و نایەوێت ئەرکی ڕاهێنەرایەتی شەیتانە سوورەکان بگرێتە ئەستۆ.

 

چیرۆکە سەرەکییەکە: مانچستەر یونایتد، نیازی دوورخستنەوەی ئێریک تین هاگی ڕاهێنەری هەیە و تاوەکو ئێستا شوێنگرەی ڕاهێنەرە هۆڵەندییەکە دەستنیشان نەکردووە، بەڵام مان یونایتد تۆماس توخێلی بە بەربژێرێکی سەرەکی بۆ جێگرەوەی تین هاگ دانابوو. 

 

ڕاگەیەنراوی فەرمی: تۆماس توخێل، ڕایگەیاند کە ئارەزووی ڕاهێنەرایەتی کردنی مانچستەر یونایتدی نییە و ڕوونی نەکردووە کە ئاخۆ بۆچی نایەوێت ئەو ئەرکە بگرێتە ئەستۆ. 

 

زانیاریی زیاتر: ئەمەش دۆخی نێوان تین هاگ و کارگێڕی یانەی مان یونایتدی ئاڵۆزتر کردووە، چونکە تاوەکو ئێستا وەڵامێکی ڕاستەوخۆی تین هاگ نەدراوەتەوە کە دووردەخرێتەوە یاخوود دەمێنێتەوە، بەڵام تین هاگ خواستی مانەوەی دەربڕیوە و دەیەوێت لەگەڵ مان یونایتد بەردەوام بێت. 

 

باکگراوند: توخیل، ئارەزوو دەکات بگەڕێتەوە بۆ پرێمەرلیگ، بەڵام تاوەکو ئێستا نازانرێت ڕاهێنەرەکە دەچێتە کام یانە و وێستگەی داهاتووی نادیارە.