دی ماریا یارییەکەی بۆ ئەرجەنتین بردەوە

ئاڤا سپۆرت

 

بەرەبەیانی ئەمڕۆ لە یارییەکی دۆستانە و وەک خۆ ئامادەکردن بۆ دەستپێکی کۆپا ئەمریکا، هەڵبژاردەی ئەرجەنتین ڕووبەڕووی هەڵبژاردەی ئیکوادۆر بووەوە و توانی بە گۆلێکی بێوەڵام یارییەکە بباتەوە.

 

وێنە گەورەکە: یارییەکە لە نێو یاریگای سۆڵجەر فیڵد بەڕێوەدەچوو و لیۆ مێسیش لەسەر کورسی یەدەگ دانیشتبوو، ئانخێل دی ماریا ئەرکی مێسی گرتە ئەستۆ و بانەری کاپتنی کردە قۆڵی، تانگۆ لە سەرەتای یارییەکەوە جڵەوی گرتە دەست و چەندین هێرشی بردە سەر گۆڵی ئیکوادۆر. 

 

لە لایەکی دیکەوە: ئەرجەنتین، چەندین هەلی گۆڵ کردنی درووستکرد، بەڵام بەرگریکارەکانی ئیکوادۆر ڕیگەیان نەدەدا هیچ گۆلێکیان لێ تۆمار بکرێت، دواجار لە خولەکی 40، ئانخێل دی ماریای کاپتن توانی گۆڵی یەکەمی یارییەکە تۆمار بکات و گێمی یەکەمیش بەو ئەنجامە کۆتایی هات. 

 

زانیاریی زیاتر: لە گێمی دووەم، دوای تێپەڕبوونی 10 خولەک، دی ماریا یاریگای بەجێهێشت و لە جێیدا لیۆ مێسی، ئەفسانەی تۆپی پێی ئەرجەنتین هاتە نێو یاریگاوە، بەڵام یارییەکە بە تەنیا گۆڵی دی ماریا کۆتایی هات.

 

باکگراوند: ئەرجەنتین، شەممەی داهاتوو یارییەکی دیکەی دۆستانە ئەنجام دەدات و ڕووبەڕووی هەڵبژاردەی گواتێمالا دەبێتەوە، بە دوای ئەو یارییەشدا کۆپا ئەمریکا دەستپێدەکات و ئەرجەنتین نیازی بردنەوەی شازدەیەمین نازناوی کۆپا ئەمریکای هەیە.