یانەیەكی سعودی هەوڵی گواستنەوەی چێزنی دەدات

ئاڤا سپۆرت

یانەی نەسڕی سعودی بۆ گواستنەوەی چێزنی پۆڵەندی گۆڵپارێزی یانەی یۆڤێنتۆس هاتووتە سەر هێل.

 

وێنە گەورەكە: یانەی نەسڕ بۆ شوێنگرتنەوەی گۆڵپارێزی تیپەكەی دایڤد ئۆسپینای كۆڵۆمبی، كە لەم هاوینە یانەكە جێدێڵێت بەدوای شوێنگرەویەكی دیكەدا دەگەڕێت.

ئەوەی لەبارەیەوە دەگوترێت: فابریزیۆ ڕۆمانۆی رۆژنامەنووسی ئیتاڵی بڵاویكردووەتەوە، كە نەسڕ دەرگای گفتوگۆی لەگەڵ یانەی یوڤی بۆ گواستنەوەی چێزنی دەستپێكردووە.

زانیاریی زیاتر: بڕیاری كۆتایی ڕۆیشتنی چێزنی لە یانەی یۆڤی بۆ ئەو گۆڵپارێزە دەگەڕێتەوە، كە بە گرێبەستەكەی نەسڕ ڕازی دەبێت یا لە یۆڤێنتۆس دەمێنێتەوە.