دوایین دەنگۆکانی مێرکاتۆی پرێمەرلیگ

ئاڤا سپۆرت: 

 

یانەکانی پرێمەرلیگ، دەیانەوێت بە باشترین شێواز خۆیان بۆ وەرزی داهاتوو ئامادە بکەن، بۆ ئەو مەبەستەش ڕوویان کردووەتە بازاڕەکان و بە دوای یاریزانی نوێدا دەگەڕێن.

 

وێنە گەورەکە: پرێمەرلیگ لە ڕووی داراییەوە دەوڵەمەندترین خولی جیهانە و ساڵانە بڕە پارەیەکی یەکجار زۆر لە کڕینی یاریزاناندا خەرج دەکرێت، ئەمساڵیش چەند یاریزانێک سەرنجی یانەکانی پرێمەرلیگیان ڕاکێشاوە و دەنگۆی گواستنەوەی یاریزانان تا دێت گەرمتر دەبێت. 

 

ئەوەی پێویستە بیزانیت: نیوکاسڵ یونایتد بڕی 16 ملیۆن پاوەندی بۆ کڕینی جەیمس ترافۆرد ئامادە کردووە بەڵام یانەی بێرنلی داوای 20 ملیۆن پاوەند دەکەن، مانچستەر یونایتدیش لەگەڵ جارێد برانسوایت گەیشتووەتە ڕێککەوتن و دوای یارییەکانی یۆرۆ گرێبەستی یاریزانەکە ڕادەگەیەنێت.

 

لە لایەکی دیکەوە: مان یونایتد، بۆ بەدەستهێنانی جواو نێڤێس بڕی 51 ملیۆن پاوەندی پێشکەش بە بەنفیکا کردووە و چاوەڕوانی وەڵامی یانە پۆرتوگالییەکەیە، هەروەها ئەتلەتیکۆ مەدرید بەردەوامە لە هەوڵی گواستنەوەی جولیان ئالڤاریز، بەڵام مان سیتی وەڵامێکی ڕاستەوخۆیان نەداوتەوە سەبارەت بە داهاتووی یاریزانەکە.