ئێندریک بەڕازیلی ڕزگارکرد

ئاڤا سپۆرت

 

هەڵبژاردەی بەڕازیل، توانی بە گۆڵێکی کوشندەی ئێندریک بە ئەنجامی سێ گۆڵ بەرامبەر بە دوو گۆڵ لە هەڵبژاردەی مەکسیک بباتەوە. 

 

وێنە گەورەکە: یارییەکە لە نێو یاریگای فێدێخ فیڵد لە ئەمریکا بەڕێوەدەچوو، بەڕازیللەیەکانیش لە سەرەتای یارییەکەوە کۆنترۆڵی تۆپیان کرد و دەستیان کرد بە ئەنجامدانی یارییەکی هێرشبەری، هێندەی پێنەچوو و لە خولەکی 5، ئاندریاس پێرێرا توانی گۆڵی یەکەم و پێشکەوتنی سیلیساو تۆماربکات، بەو ئەنجامەش گێمی یەکەم کۆتایی هات.

 

زانیاریی زیاتر: لە گێمی دووەم، بەڕازیل جڵەوی لەدەستنەدا  ولەسەر شێوازی خۆی بەردەوام بوو، ئەوەشبوو لە خولەکی 54 گابریێل مارتینێلی توانی گۆڵی دووەمی هەڵبژاردەکە تۆماربکات. 

 

لە لایەکی دیکەوە: مەکسیک کۆڵی نەدا، لە خولەکی 73 هێرشێکی بەڕازیلییەکانیان هەڵگەڕاندەوە و لە ڕێگەی جولیان کوینۆنێس گۆڵی یەکەمیان تۆمارکرد و جیاوازییەکەیان کەمکردەوە، دواتریش لە خولەکی 93 و لە کاتی زیادکراو، گیلێرمۆ مارتینێز ئەنجامەکەی بۆ مەکسیک یەکسانکردەوە. 

 

ئەوەی پێویستە بیزانیت: وا پێدەچوو مەکسیکییەکان ڕیمۆنتادا ئەنجامبدەن، بەڵام لە خولەکی 96 ئێندریک ئاسیستێکی ڤینیسیۆس جونیۆری قۆستەوە و گۆڵێکی کوشندەی دژی مەکسیک تۆمارکرد، بەو ئەنجامەش یارییەکە کۆتاییهات.