مۆرینۆ بوو بە ڕاهێنەری فەنارباخچەی توركی

ئاڤا سپۆرت

جۆزێ مۆرینیۆ پەیوەندی بە یانەی فەنارباخچەی تورکییەوە کرد و لە نێو یاریگای ئولکەر واژۆی گرێبەستەکەی لەگەڵ یانەکەی شاری ئەستانبووڵ کرد. 

چیرۆكە سەرەكییەكە: یەكشەممە، جۆزێ مۆرینیۆی پۆرتوگالی گەیشتە تورکیا و ڕاستەخۆ چووە یاریگای یانەی فەنارباخچە، لەوێش هەزاران هاندەر پێشوازییان لە ڕاهێنەرەکە کرد و ئەویش بەڵێنی پێدان پێکەوە ئەنجامی باش بەدەستبهێنن. 

زانیاریی زیاتر: ئەرکی مۆرینیۆی تەمەن 61 ساڵ سەخت دەبێت، چونکە هاندەران چاوەڕوانی بەدەستهێنانی نازناوی سوپەرلیگی تورکین، کە لە ساڵی 2014ەوە نەیانتوانیوە ببن بە پاڵەوانی تورکیا. 

باكگراوند: مۆرینیۆ، لە سەرەتای 2024دا لە ئەرکی ڕاهێنەریاتی یانەی ڕۆمای ئیتاڵی دوورخرایەوە، ئەوەش دوای ئەوەی توانی یەکەم نازناوی ئەوروپی بۆ یانەی ڕۆما بەدەستبهێنێت، بەڵام مۆرینیۆ بیر لە ڕابردوو ناکاتەوە و گرێبەستێکی لەگەڵ فەنارباخچە واژۆ کردووە و تاوەکو ساڵی 2026 ڕاهێنەری ئەو یانەیە دەبێت.