ڕوبلێڤ گەیشتە قۆناغی سێیەمی ڕۆلاند گارۆس

ئاڤا سپۆرت

 

هەر لە ڕۆلاند گارۆس، ئاندرێ ڕوبلێڤی ڕووسی توانی بە ئەنجامی سێ کۆمەڵەی بێوەڵام لە پێدرۆ مارتینێزی ئیسپانی بباتەوە و جارێکی دیکە سەرکەوتنی بۆ قۆناغی سێیەمی ڕۆلاند گارۆس مسۆگەر کرد. 

 

وێنە گەورەکە: ڕوبلێڤ یارییەکی ناوازەی ئەنجامدا و توانی بە سێرڤە سەرەتاییە بەهێزەکانی کۆنترۆڵی یارییەکە بکات، ئەوەشبوو کۆمەڵەی یەکەمی یارییەکەی بە ئەنجامی 6-3 یەکلاکردەوە و مارتینێزی لە کۆمەڵەی یەکەمەوە ماندوو کرد.

 

زانیاریی زیاتر: ئاندرێ ڕوبلێڤ جڵەوی لەدەستنەدا و توانی کۆمەڵەی دووەمیش بە ئەنجامی 6-4 یەکلابکاتەوە و دواتریش کۆمەڵەی سێیەمی بە ئەنجامی 6-3 یەکلاکردەوە و بووە براوەی یارییەکە. 

 

باکگراوند: ئاندرێ ڕوبلێڤی ڕووسی، تەمەنی تەنیا 26 ساڵە و لە پلەی شەشەمی باشترینەکانی جیهانە، یاریزانەکە لە کاروانی وەرزشیی خۆیدا هەرگیز نەیتوانیوە پاڵەوانییەتییەکی گراند سلام بەدەستبهێنێت و ئەمساڵ هەوڵ دەدات لە فەڕەنسا یەکەم نازناو دەستەبەر بکات.