بوخوم لە دابەزین رزگاری بوو

 ئاڤا سپۆرت

یانەی بوخوم لە دابەزین بۆ پلە دووی ئەڵمانیا ڕزگاری بوو، ئەوەش دوای ئەوەی توانی ڕیمۆنتادا بەسەر یانەی فۆرتونا دوسلدۆرف ئەنجامبدات و بە لێدانە یەکلاکەرەوەکان یارییەکەی بردەوە. 

وێنە گەورەكە: لە یاریی چوون، دوسلدۆرف توانی بە سێ گۆڵی بێوەڵام لە بوخوم بباتەوە، بەڵام لە یاریی گەڕانەوەدا یانەی بوخوم توانی هاندەرانی هەردوولا شۆکبکات، کاتێک توانی یارییەکە بە سێ گۆڵی بێوەڵام بباتەوە و دواتریش لە رێگەی لێدانە یەکلاکەرەوەکان مانەوەی خۆی لە بۆندێسلیگا مسۆگەرکرد. 
هەر لە سەرەتای یارییەکەوە، بوخوم دەستیکرد بە یارییەکی هێرشبەری و دواجاریش لە خولەکی 18 فیلیپ هۆفمان توانی گۆڵی یەکەمی یانەکە تۆماربکات و گێمی یەکەمیش بەو ئەنجامە کۆتاییهات.

لە لایەكی دیكەوە: لە گێمی دووەمدا، بوخوم هەوڵەکانی چڕتر کردەوە و لە خولەکی 66 جارێکی دیکە فیلیپ هفمان گۆڵی بۆ یانەکەی تۆمارکرد و ئەنجامەکەی گۆڕی بۆ دوو گۆڵی بێوەلام، دواتریش لە خولەکی 70 کێڤن شتۆگەر لە ڕێگەی لێدانی سزاوە گۆڵی سێیەمی یانەکەی تۆمارکرد و یارییەکەش بەو ئەنجامە کۆتاییهات.

زانیاریی زیاتر: لە لێدانە یەکلاکەرەوەکاندا، یانەی بوخۆم توانی بەسەر دوسلدۆرفا سەرکەوێت و بە ئەنجامی 6-5 لێدانە یەکلاکەرەوەکانی یەکلاکردەوە و مانەوەی لە بۆندێسلیگا مسۆگەرکرد.