گالاتەسەرای سوپەڕلیگی توركیای بردەوە

ئاڤا سپۆرت 

 یانەی گالاتاسەرای، توانی لە دەرەوەی یاریگای خۆیدا بە ئەنجامی سێ گۆڵ بەرامبەر بە گۆلێک لە یانەی کۆنیاسپۆر بباتەوە و ببێت بە پاڵەوانی ئەم وەرزەی خولی سوپەرلیگی تورکیا، ئەوەش جاری 24ەمە گالاتاسەرای نازناوەکە بەدەست دەهێنێت و خاوەنی زۆرترین نازناوی خولی تورکیایە لە مێژوودا.

چیرۆكە سەرەكییەكە: هەر لە سەرەتای یارییەکەوە گالاتاسەرای جڵەوی گرتە دەست و لە خولەکی 29، ماورۆ ئیکاردی گۆڵی یەکەمی یارییەکەی بۆ گالاتاسەرای تۆمارکرد و گێمی یەکەم بەو تەنیا گۆڵەی ئیکاردی کۆتاییهات. 
لە گێمی دووەمدا، گالاتا شیوازی خۆی نەگۆڕی و بەردەوام بوو لە ‌هێڕشبردن، ئەوەبوو لە خولەکی 51 جارێکی دیکە ئیکاردی گۆڵی تۆمارکرد و لە خولەکی 53ش بەرکان کوتلو گۆڵی سێیەمی تۆمارکرد.

زانیاریی زیاتر: لە خولەکی 78، لوکا پریپ گۆڵی یەکەمی کۆنیاسپۆری تۆمارکرد، بەڵام یارییەکە لە بەرژەوەندی گالاتاسەرای کۆتایی هات و کۆی خاڵەکانی گەیاندە 102 خاڵ، بەوەش بووە پاڵەوانی تورکیا. 

باكگراوند: فەنارباچە، لەم وەرزەدا ئاستێکی نایابی پێشکەشکرد و تەنیا یەک شکستی تۆمارکردبوو، بەڵام لە کۆتاییدا تەنیا 99 خاڵی کۆکردەوە، ئەوەش بۆ جاری یەکەمە لە مێژووی خولەکەدا یانەیەک 99 خاڵ تۆماربکات و نەبێت بە پاڵەوانی خولەکە.