لۆكا مۆدریچ له‌گه‌ڵ ریاڵ مه‌درید به‌رده‌وام ده‌بێت

 

ئاڤا سپۆرت
لۆكا مۆدریچ له‌ چه‌ند كاتژمێری رابردوو پێشكه‌وتنی به‌رچاو له‌ گفتوگۆكانی نوێكردنه‌وه‌ی گرێبه‌سته‌كه‌ی له‌گه‌ڵ ریاڵ مه‌درید ڕوویداوه‌، به‌ جۆرێك یاریزانه‌كه‌ نزیكه‌ له‌ درێژكردنه‌وه‌ی گرێبه‌سته‌كه‌ی له‌گه‌ڵ یانه‌ی مێرێنگێ.

وێنه‌ گه‌وره‌كه‌: مۆدریچ له‌ كۆتایی ئه‌م وه‌رزه‌ گرێبه‌سته‌كه‌ی له‌گه‌ڵ یانه‌ پاشاییه‌كه‌ كۆتایی دێت، ئه‌و كات ده‌توانێت به‌خۆڕایی په‌یوه‌ندی به‌ یانه‌یه‌كی دیكه‌وه‌ بكات و یانه‌كه‌ی جێبێڵێت.

ئه‌وه‌ی له‌ باره‌یه‌وه‌ ده‌گوترێت: رۆژنامه‌ی ئاسی ئیسپانی ریاگه‌یاندووه‌، لۆكا مۆدریچ به‌ مه‌رجه‌كانی نوێكردنه‌وی گرێبه‌سته‌كه‌ی له‌گه‌ڵ ریاڵ مه‌درید رازی بووه‌، كه‌ وه‌رزی داهاتوو موچه‌كه‌ی له‌گه‌ڵ یانه‌كه‌ی كه‌م بكاته‌وه‌، به‌و مه‌رجه‌ی بۆ وه‌رزێكیتر درێژه‌ به‌ یاریكردن له‌گه‌ڵ ئه‌و یانه‌یه‌ بدات.

 زانیاریی زیاتر: ‌ریاڵ مه‌درید به‌ كۆكردنه‌وه‌ی 96 خاڵ له‌ پیشه‌نگی لالیگای ئیسپانی دێت و نازناوی ئه‌م وه‌رزه‌ی خوله‌كه‌ی بۆ جاری سی وشه‌شه‌مین بردووه‌ته‌وه‌، له‌ چامپیۆنزلیگی ئه‌م وه‌رزه‌ش گه‌یشتووته‌ یاریی كۆتایی.