سینەر بەهۆی پێکانەوە لە شەنگەهای ماستەرز کشایەوە

ئاڤا سپۆرت

یانیک سینەری ئیتاڵی بەهۆی پێکانەوە لە ماستەرزی شەنگەهای کشایەوە.

چیرۆکی سەرەکی: یانیک سینەری ئیتاڵیی لە یارییەکانی قۆناغی 32ـی پاڵەوانییەتی ماستەرزی شەنگەهای، ڕووبەڕووی تالۆن گرێکسپوری هۆڵەندیی بووەوە. سینەر لە کۆمەڵەی سێیەمدا نەیتوانی یارییەکە تەواو بکات و بەهۆی پێکانەوە کشایەوە.

زانیاریی زیاتر: لە کۆمەڵەی یەکەم، هەردوو تێنسزان ئاستێکی بەرزیان پێشکەشکرد و بە سەختی ڕکابەری یەکدیان دەکرد، تێنسزانە هۆڵەندییەکە بە سێرڤە بەهێزەکانی کێشەی زۆری بۆ سینەر درووست کرد، بەڵام سەرەڕای ئەوەیش سینەر توانی کۆمەڵەکە بە ئەنجامی 7-6 بباتەوە.

لە کۆمەڵەی دووەم: یارییەکە بە هەمان شێوە درێژەی کێشا و گرێکسپور بەردەوام پشتی بە سێرڤە بەهێزەکانی دەبەست، ئەمجارە تێنسزانە هۆڵەندییەکە توانی هاوکێشەکە یەکسان بکاتەوە و کۆمەڵەی دووەمی بە ئەنجامی 7-5 بردەوە.

لە کۆمەڵەی سێیەم: گرێکسپور ئاستێکی بەرزی پێشکەشکرد و 3-2 پێش سینەر کەوتبوو، بەڵام بەهۆی پێکانی سینەرەوە یارییەکە تەواو نەکرا و گرێکسپور بە براوە هەژمارکرا. بەو بردنەوەیەش تالۆن خۆی گەیاندە قۆناغی 16ـی ماستەرزی شانگهای.

ئەمەش بزانە: تالۆن گرێکسپور لە قۆناغی داهاتوودا ڕووبەڕووی ڤالێنتین ڤاچێرۆتی مۆناکۆیی دەبێتەوە