پێرێرا بووەوە پاڵەوانی کێشی سووکی UFC

ئاڤا سپۆرت

ئالێکس پێرێرای بەڕازیلی تۆڵەی خۆی لە ماگۆمەد ئەنکالایێڤیی ڕووسی کردەوە.

چیرۆکە سەرەکی: ئالێکس پێرێرای بەڕازیلی لە نمایشی UFC 320 تۆڵەی خۆی لە ماگۆمەد ئەنکالایێڤیی ڕووسی بردەوە و جارێکی دیکە بووەوە پاڵەوانی کێشی سووکی  UFC.

زانیاریی زیاتر: لە مانگی سێی ئەمساڵ، هەردوو یاریزان ڕووبەڕوو بوونەوە، کە ئەو یارییە لە بەرژەوەندی شەڕکەرە ڕووسییەکە کۆتایی هات و پشتێنەکەی لە پیرێرا بردەوە. بۆ ئەم یاریەش پێرێرا تەنیا تۆڵە سەندەوەی دەویست و هەولێ دەدا پشتێنەکە بەدەستبهێنێتەوە.

ئەوەی ڕوویدا: پێرێرا هەر لە دەستپێکی یارییەکەوە بەسەر ڕکابەرە ڕووسییەکەیدا زاڵ بوو، دوای چەند لێدانێکی بەهێز، دواجار لە گەڕی یەکەم و دوای تەنیا یەک خولەک و 20 چرکە، پێرێرا بە گورزی کوشندە یارییەکەی بردەوە و 13ـیەمین بردنەوەی لە مێژووی Ufc یدا بەدەستهێنا.

زیاتر بزانە: بەو بردنەوەیەش شەڕکەرە بەڕازیلیەکە تۆڵەی خۆی سەندەوە و بۆ دووەمجار لە کاروانی وەرزشییدا پشتێنی کێشی سووکی ufc  بردەوە.