سالیبا ڕیاڵ مەدریدی بێهیواکرد

ئاڤا سپۆرت

ئارسناڵ گرێبەستی ویلیام سالیبای بۆ ماوەیەکی درێژ نوێکردەوە.

چیرۆکە سەرەکی: ویلیام سالیبا گرێبەستێکی نوێی لەگەڵ ئارسناڵ بۆ ماوەی سێ ساڵی دیکە واژۆکرد و تاوەکو ساڵی 2030 لەگەڵ تۆپهاوێژەکانی لەندەن بەردەوام دەبێت.

لێدوانی فەرمی: ویلیام سالیبا دوای ڕاگەیاندنی گرێبەستە نوێیەکەی گوتی: شانازی بەخۆمەوە دەکەم سەرەتا لە ساڵی 2019 گرێبەستم لەگەڵ ئارسناڵ واژۆکرد و هێشتا لێرەم بۆ درێژکردنەوەی گرێبەستەکەم.

دەشڵێت: هەست دەکەم لە ماڵی خۆمم، ئێرە باشترین شوێنە بۆ من، چێژ لە هەموو ئەو ڕۆژانە دەبینم کە دەرفەتم هەیە ئەم درێسە بپۆشم.

زیاتر بزانە: ویلیام سالیبا هاوینی 2019 بەرامبەر بە 30 ملیۆن یۆرۆ لە سان ئیتیانی فەڕەنسییەوە پەیوەندی بە ئارسناڵەوە کرد و تاوەکو ساڵی 2022 بە خواستن لە یانەکانی سان ئیتیان، نیس و مارسیلیا لە لیگا ئا مایەوە و دواتر گەڕایەوە ئارسناڵ.