دهۆک بە ڕاهێنەری نوێ میوانداریی کەرخ دەکات

 

ئاڤا سپۆرت

 

یانەی دهۆک لە گەڕی سێیەمی یارییەکانی خولی ئەستێرەکانی عێراق، ئەمشەو کاتژمێر (8:30) میوانداریی یانەی کەرخ دەکات، دهۆک لە دوای شکستەکەی گەڕی ڕابردوو چاوی لە بردنەوەیە.

 

وێنە گەورەکە: یانەی دهۆک دوای دەستبەرداربوونی لە راهێنەری بەڕازیلی ڤاریاس، ئێستا سلێمان رەمەزانی کردووەتە ڕاهێنەری تیپەکە، کە وەرزی رابردوو جامی عێراقی بۆ بەدەستهێنان.

 

لە لایەکی دیکەوە: یانەی کەرخ بە راهێنەرایەتی ئەیمەن حەکیم، بردنەوەیەک و دۆڕانێکی هەیە، خاوەن چەند یاریزانێکی لاون، بە پلانی بەرگری و هێرشی پێچەوانە یاریدەکەن.

 

زانیاریی زیاتر: یانەی دهۆک دوای دوو گەڕ دوو دۆڕانی بەرامبەر گەرمە و شوڕتە بە بێ خاڵ لە خانەی حەڤدەیەم دێت، یانەی کەرخیش بە سێ خاڵ لە پلەی دەیەم دێت.