هەولێر یاریی لەگەڵ کارەبا دەکات

ئاڤا سپۆرت 

هەولێر لە گەڕی سێیەمی یارییەکانی خولی ئەستێرەکانی عێراق، ڕووبەڕووی یانەی کارەبای بەغدا دەبێتەوە، یارییەکە لە کاتژمێر(6:00)ـی ئەمڕۆ ئێوارە بەڕێوەدەچێت.

 

وێنە گەورەکە: هەولێر بە ڕاهێنەرایەتی باسم قاسم دەیەوێت سێیەم سەرکەوتنی لەسەر یەک لە خولەکە بەدەستبێنێت، سەرجەم یاریزانەکانی هەولێر بۆ ئەم یارییە ئامادەن و گرفتیان  نییە.

 

لە لایەکی دیکەوە: یانەی کارەبا بە راهێنەرایەتی رازی شنەیشل، لە دوو یاریی ڕابردوو دووچاریی دۆڕان هاتوون، ئەمڕۆ دەیانەوێت هەولێر بکەن بە خاڵی هەڵسانەوە و سێ خاڵی یەکەم لە خولەکە دەستەبەر بکەن.

 

زانیاریی زیاتر: هەولێر بە کۆکردنەوەی 6 خاڵ لە دوو یاریی رابردوو لە پلەی سێیەمی خولەکە دێت، یانەی کارەبا بەبێ خاڵ لە خانەی هەژدەیەم دێت.