نەورۆز لە بەغدا ئەرکی زەحمەتە

ئاڤا سپۆرت

یانەی نەورۆز لە یارییەکی بەهێزی خولی ئەستێرەکانی عێراق، دەبێتە میوانی یانەی شوڕتەی بەغدا، نەورۆز دەیەوێت لەم یارییە قەرەبووی ئەنجامە خراپەکەی گەڕی رابردووی بکاتەوە.

 

وێنە گەورەکە: کاتژمێر(8:30) ئەمشەو یانەی لە شاری بەغدا یانەی نەورۆز بە ئامادەبوونی سەرجەم یاریزانەکانی یاریی لەگەڵ شوڕتە دەکات، یاسین ئاراسی راهێنەر دەیەوێت بە ئەنجامێکی باش یاریگا جێبهێڵێت.

 

لە لایەکی دیکەوە: یانەی شوڕتە بەسەرجەم یاریزانەکانی و بە راهێنەرایەتی موئمن سلێمان، خۆیان بۆ ئەم یارییە ئامادەکردوو، گەڕی رابردووش توانیان لە یانەی دهۆک ببەنەوە.

 

زانیاریی زیاتر: نەورۆز لە دوو یاریی رابردووی بردنەوەیەک و دۆڕانێکی هەیە، بەڵام یانەی شوڕتەی پاڵەوانی وەرزی ڕابردوو، یەک یاریی ئەنجامداوە و بردنەوەی دەستەبەر کردووە.