ئەنجامی پشکنینی سەرهەنگ راگەیێنرا

ئاڤا سپۆرت

سەرهەنگ موحسین گۆڵپارێزی یانەی هەولێر، ئەمڕۆدووشەممە پشکنینی پزیشکی ئەنجامدا، دەرکەوت پێکانەکەی قورس نییە و سەلامەتە، بۆ یاریی داهاتووی تیپەکە ئامادەدەبێت.

 

ئەوەی لەبارەیەوە دەگوترێت: سەرهەنگ موحسین کاپتن و گۆڵپارێزی یانەی هەولێربە ئاڤا سپۆرتی راگەیاند، ئەمڕۆ پشکنینی پزیشکی ئەنجامداوە، دەرکەوتووە هیچ کێشەیەک یا گرفتێکی لە شوێنی پێکانەکەی نییە و سەلامەتە.

 

زانیاریی زیاتر: لە یاریی رابردووی یانەی هەولێر بەرامبەر مینا، لە نیوەی دووەمی یارییەکە بەهۆی پێکانەوە سەرهەنگ موحسین یاریگای جێهێشت، کە هەولێر یارییەکەی بە ئەنجامی(3-1) بردەوە.

 

ئەمەش بزانە: یانەی هەولێر لە یاریی داهاتوو لە گەڕی سێیەمی خولی ئەستێرەکانی عێراق ڕووبەڕووی یانەی کارەبا دەبێتەوە، ئێستا هەولێر بە شەش خاڵ پێشەنگی خولی ئەستێرەکانی عێراقی گرتووە.