نەورۆز تاڵاوی یەکەم شکستی چەشت

 

ئاڤا سپۆرت

لە چوارچێوەی یارییەکانی خولی ئەستێرەکانی عێراق ، یانەی نەورۆز لەدووەم یاریی خولەکە لەسەر دەستی نەفتی میسان دووچاری شکستهات.

 

وێنە گەورەکە: لە گێمی یەکەمی یارییەکە یانەی نەفتی میسان لە خولەکی 33 لە رێگای چەند پاسێکەوە توانیان دیواری بەرگری نەورۆز بشکێنن و گۆڵی یەکەم تۆماربکەن، بەڵام ئاسۆ رۆستەمی کاپتن لە دوایین خولەکی ئەو گێمە بە لێدانی سزا گۆڵی یەکسانی بۆ نەورۆز کردەوە.

 

لە لایەکی دیکەوە: لە گێمی دووەمی یارییەکە و لە خولەکی 48 عەلی لەتیفی یاریزانی نەفتی میسان، هەڵەیەکی بەرگریکارانی نەورۆزی قۆستەوە و گۆڵی دووەمی کرد.

 

زانیاریی زیاتر: یارییەکە بەو ئەنجامە کۆتاییهات و یانەی نەورۆز یەکەم دۆڕانی لەم وەرزە تووشهات، یاریی داهاتووی یانەکە بەرامبەر یانەی شوڕتە دەبێت.