حکومەتی هەرێم یاریگاکانی کوردستان نۆژەندەکاتەوە

ئاڤا سپۆرت

یاریگاکانی کوردستان لە لایەن حکومەتی هەرێمی کوردستانەوە گرنگی زۆریان پێدەدرێت، ئەم وەرزە هەرسێ یاریگای هەولێر و زاخۆ و دهۆک بەر هەڵمەتی نۆژەنکردنەوە کەوتن.

 

وێنە گەورەکە: لەگەڵ کۆتاییهاتنی خولی ئەستێرەکانی عێراق، یانەکانی کوردستان دەستیان بە نۆژەنکردنەوە و گۆڕینی چیمەنی یاریگاکان و بەشیکی یاریگەیان کرد، ئەمەش بە پاڵپشتی کابینەی نۆیەمی حکومەتی هەرێمی کوردستانەوە بووە.

 

ئەوەی پێویستە بیزانیت: حکومەتی هەرێم بۆ نۆژەنکردنەوەی یاریگای شەهید فرەنسۆ هەریری لەشاری هەولێر، نزیکەی یەک ملیار و 761 ملیۆن دیناری لەسەر بوجەی پەرەپێدانی پارێزگای هەولێر تەرخانکردووە، لەسەرەتای نۆڤێمبەری ئەمساڵ نوێکردنەوەی یاریگاکە تەواودەبێت.

 

زانیاریی زیاتر: یاریگا قەشەنگ و جوانەکەی دهۆک، کە ئێستا بووەتە ماڵی هەمووان، تەنیا بۆ گۆڕینی چیمەنی یاریگا یانەکە، حکومەتی هەرێم نزیکە نیو ملیار دیناری عێراقی جەرج کردووە، بەڵام بووەتە شانۆی ئاهەنگێڕان و سەرکەوتنەکانی یانەی دهۆک.

 

ئەمەش بزانە: یاریگای زاخۆ، کە وەرزی رابردوو پڕ هاندەرترین یاریگا بووە لەسەر ئاستی عێراق، هەموو گەڕێک جوانترین نمایشی تێدا ئەنجام دەدرا، بۆ جوانتر کردنی یاریگاکە و نۆژەنکردنەوەی حکومەتی هەرێم نزیکەی یەک ملیار و 400 ملیۆنی خەرج کردووە، کە کۆتایی مانگی سێبتێمبەر کارەکانی تەواو دەبێت.