شەمەندەفەری وەرزی نوێی خولی ئەستێرەکانی عێراق بەڕێدەکەوێت

ئاڤا سپۆرت

ئەمڕۆ شەممە، گەڕی یەکەمی خولی ئەستێرەکانی عێراق بۆ وەرزی 2025-2026 دەستپێدەکات، یاریی کردنەوەش لە شاری بەغدا دەبێت، دوو یانەی کوردستانیش ئەمشەو یاریدەکەن.

 

وێنە گەورەکە: بە یاریی نێوان ئەمانەی بەغدا و دیالە لە کاتژمێر (18:00) ئێوارە خولی ئەستێرەکانی عێراق بۆ ئەم وەرزە دەستپێدەکات، دواتر لە کاتژمێر (20:30) یاریی زاخۆ و تەڵەبە بەڕێودەچێت، لەهەمانکاتدا یاریی نەورۆز و کارەبا ئەنجام دەدرێت.

 

زانیاریی زیاتر: بەهۆی ئامادەنەبوونی یاریگای یانەی نەورۆز ئە یارییە لە شاریی دهۆک بەڕێوەدەچێت، چونکە یاریگا نەورۆز بەهۆی نۆژەنکردنەوە ناتوانرێت لە ئێستادا یاریی تێدا ئەنجام بدرێت.

 

ئەمەش بزانە: یانەکانی هەولێر و دهۆک و زاخۆ و نەورۆز لەم وەرزە خولی ئەستێرەکانی عێراق بەشدارن، وەرزی رابردوو یانەی نەورۆز توانی پلەی سێیەم لە خولی ئەستێرەکانی عێراق بەدەستبهێنێت.