یانەیەکی دیکە لە خولی نایابی کوردستان کشایەوە

ئاڤا سپۆرت

یانەی برایەتی 40 رۆژ پێش دەستپێكی ئەم وەرزە كشانەوەی لە خولی نایابی كوردستان راگەیاند، هۆكارەكەشی بۆ كێشەی دارایی دەگەڕێنێتەوە.

وێنە گەورەکە: یانەی برایەتی لە راگەیاندراوێكدا نووسیویەتی: بە نیگەرانییەكی زۆرەوە رایدەگەیەنین ناتوانین بەشداریی وەرزی نوێی خولی نایابی كوردستان بكەین، چونكە یانەكەمان هیچ پرۆژەیەكی وەبەرهێنان و سەرچاوەیەكی داهاتی نییە.

زنیاریی زیاتر: یانەی برایەتی یەکەم یانەیە بەفەرمی بڕیاریداوە بەشداریی وەرزی نوێی خولی نایابی کوردستان نەکات کە وابڕیارە رۆژی 22ـی مانگی داهاتوو دەستپێبکات، کە برایەتی ساڵی 1984 دامەزراوە، لە وەرزی 2020 ـ 2021 بۆ یەكەمجار نازناوی خولی نایابی كوردستان و جامی هەرێمی كوردستانی بردووەتەوە.

ئەوەش بزانە: یانەی برایەتی لە بەشێكی دیكەی بەیاننامەكەیدا جەخت لەوە دەكەنەوە سەرجەم یاریزانەكانیان ئازادن بۆ هەر یانەیەك دەچن.