عێراق سەرکەوتنێکی گەورەی بەدەستهێنا

ئاڤا سپۆرت

هەڵبژاردەی عێراق لە قۆناغی گەڕانەوەی یارییەکانی پاڵاوتنی کۆمەڵەی دووەم بۆ گەیشتن بە مۆندیالی 2026 لە دەرەوەی یاریگای خۆی سەرکەوتنێکی گرنگی بەدەستهێنا.

وێنە گەورەکە: هەڵبژاردەی عێراق ڕووبەڕوو هەڵبژاردەی عومان بوویەوە، عێراق بۆ بەردەوامبوون لەخەونی گەیشتن بە مۆندیال پێویستی بە بردنەوەی ئەم یارییە بوو، لە نیوەی یەکەم عێراق باشتر دەرکەوت و لە خولەکی 36 یوسف ئەمینی کوڕە کورد گۆڵی یەکەمی عێراقی تۆمارکرد.

لە لایەکی دیکەوە: لە نیوەی دووەمی یارییەکە عومانییەکان هەوڵی ڕاستکردنەوەی ئەنجامەکەیان دەدا، بەڵام یاریزانانی عێراق بەشێوەکی باش بەرگریان دەکرد، لە ڕێگەی هێرشی پێچەوانە و تۆپی جێگیرەوە هەوڵی پارێزگاریکردن لە ئەنجامەکەیان دەدا.

باکگراوند: هەڵبژاردەی عێراق بە بردنەوە لەم یارییە کۆی خاڵەکانی گەیاندە 11 خاڵ و لە خانەی دووەمی ڕیزبەندییەکە دێت، سوودی لە یەکسانبوونەکەی ئوردەن و کوەیت بینی، ‌هەڵبژاردەی عومانیش بە شەش خاڵ لە خانەی چوارەمی کۆمەڵەکەی دێت.