هەولێر ڕووبەڕووی سەیدسادق دەبێتەوە

ئاڤا سپۆرت

لە چوارچێوەی یارییەکانی خولی نایابی کوردستان، لە گەڕی یەکەم یانەی هەولێر دەبێتە میوانی یانەی سەیدسادق، کە یانەی میواندار تەنیا سێ ڕۆژ ئامادەکارییان بۆ خولەکە کردووە.

وێنە گەورەکە: یانەی سەیدسادق دوای کێشە و گرفتێکی زۆری دارایی  دواجار بڕیاریاندا بەشداریی لە خولی نایابی کوردستان بکەن، بەڵام یانەی هەولێر ماوەی دوو مانگە بە راهێنەرایەتی شوان ئەنوەر ئامادەکاریی بۆ خولەکە دەکەن.

زانیاریی زیاتر: یارییەکە کاتژمێر (2:00) بەڕێودەچێت، هاندەرانی سەیدسادق هەوڵدەدەن لە ڕێگەی سندوقێکەوە هاوکاریی یانەکە بکەن.

باکگراوند: یانەی هەولێر لە مێژوویدا سێ جار نازناوی خولی نایابی کوردستانی بەدەستهێناوە، بەڵام یانەی سەیدسادق تەنیا چوار وەرزە بەشداریی لە خولەکە دەکات.