لیڤەرپووڵ پێشەنگ چۆڵ ناکات

ئاڤا سپۆرت

لیڤەرپووڵی پێشەنگ لە یەکەم یاری گەڕی حەوتەمی پریمەرلیگ، بووە میوانی کریستاڵ پاڵاس و بە گۆڵێکی بێ وەڵام یارییەکەی لێبردەوە.

چیرۆکە سەرەکییەکە: کریستاڵ پاڵاس چرکەی 20ـی یارییەکە لە ڕێگەی نیکیتیاوە گۆڵێکی تۆمار کرد، بەڵام بەهۆی ئۆفسایدەوە هەژمار نەکرا، لیڤەرپووڵ دوای ئەو گۆڵە هەر زوو کۆنتڕۆڵی یاریگای گرتەدەست و لە خولەکی نۆ، دیگۆ جۆتا گۆڵی یەکەمی تۆمارکرد، دوای گۆڵەکەش لیڤەرپووڵ بەردەوام بوون لە هێرشبردن و گلدانەوەی تۆپ، بەڵام سەرکەوتوو نەبوون لە تۆمارکردنی گۆڵ.

لە لایەکی دیکەوە: لیڤەرپوول لە گێمی دووەمدا بەردەوام بوو لە فشارکردن و کریستاڵ پاڵاسیش پەرپەچی دەدایەوە و مەترسی دەخستە سەر گۆڵی لیڤەرپووڵ، بەڵام هەموو هەوڵەکان بێسوود بوون و یارییەکە بەو تاکە گۆڵە کۆتایی هات.

زانیاریی زیاتر: لە خولەکی 79ـی یارییەکە ئەلیسۆنی گۆڵپارێز دووبارە تووشی پێکان بووەوە و گۆڕانکاری پێکرا.